sulu ati

Nama jaku kena ku nusi tentang sulu atiku..
Iya seruran diau ba mimpiku..
Aku sayau ke iya taja enda ngelala iya sapa
Aku diau ditu, suluku diau din
Sapa bujang ti ngasuh atiku sempampai ngasai..
Iya sigi tetap datai mai idup segulai

Aku sanggup mati ketegal nuan sulu..
Taja suluku enda nemu..
Nama daya aku nyimpan ati..
Enda ulih ku madah suluku enda jujur serta menting ke diri..
Aku ulih ninga sada ati iya..
Sebedau iya mantai ke jaku..
Besabar meh ati.. nganti sulu datai..

Suluku disayau..
Nama kebuah nuan minta aku suba..
Enti nuan enggai ngambi aku..
Ngelak ke aku nganti lama..
Datai meh sulu, ambi ku pulai..
Mayuh urang madah aku enda menuku..
Ketegal pengerindu ke nuan sulu..
Kumbai urang mimpi di siang ari..
Ketegal nyebut sayau ke nuan
Tang nama nuan pan aku enda nemu

Nama kebuah nuan ngiga aku berari sulu..
Taja udah lama aku diau ba ati nuan..
Nama mata nuan sempampai gining-gining
Taja aku diau ba depan nuan berari..
Nama kebuah nuan mayuh pengelimpang taja tuju nuan
Semina ngagai aku..
Datai meh sulu.. bepadu meh tua nanggam pengerindu..

Suluku disayau..
lebuh suluku merening aku, ku ngasaike diri empu pemadu bajik,
leduh suluku ketawa, ku aku deka ngajat penuh pengaga,
lebuh suluku tusah ati, singin ati ku meluk nenang ke iya..
lebuh suluku sayau ke aku, ai mataku labuh nerutu kuyu..
suluku numbuh ke pengasai atiku, aku tuk ungkup iya, iya ungkup aku
aku sayau ke iya ukai semina saritu, ukai semina sejam ajak..
tang enggau seluruh pengidup ku...